<<海鮮。粥底。蒸氣火鍋>>
餐廳新出左一個 $298 嘅 是日廚師精選套餐，由大廚當日去街市睇下有咩新鮮海鮮再定當晚嘅Menu，其實咁樣仲好，包保一定食到時令菜式!!老闆仲同我地講可以係#小漁港 @seafoodporthk 個Facebook上面睇到當晚餐單，方便大家知道會有咩食。 .
餐廳一至四仲要唔收加一，變相更抵食!當晚我地食嘅菜式包括:
🔻
象拔蚌刺身 🦑
蟲草蒸元貝
潮式凍花蟹🦀
貝殼拼盤(四款)🐚
蒜蓉蒸大花蝦🦐
紫蘇翡翠鮑
龍躉糯米手卷
農家四寶
粥底
.
#象拔蚌 刺身四個人去真係俾足一大盤你，#刺身 切到薄片爽口，🐚#海鮮 款款都好新鮮，而且仲有海鮮鮮味👍，草根爸都讚係真材實料，真係俾足靚料你。草根特別中意花蝦，元貝同翡翠鮑。 🦐#蝦 用左大量蒜蓉鋪面，蒸完後超香蒜蓉味，而且蝦肉爽口彈牙，無!得!輸! 🤘🏻翡翠鮑口感細嫩有咬口；而元貝本身無乜味，但加上左濃味嘅蟲草後好正 😋
.
糯米手卷味道幾好，中間都有唔少臘味，面頭個塊龍躉更加係亮點🐟! 龍躉魚片柔軟，好好食! 旁邊嘅農家四寶🌽雖然只係就咁蒸，但係都好好食，完全食到食物原本嘅鮮甜味!
食完晒海鮮當然未夠飽，呢個時候重點來了❤️。啱啱海鮮d精華落晒去個粥底到，可以見到煮到腍晒嘅南瓜同一絲絲剛剛蒸蟹嘅蟹血🦀，所以個#粥 係超級鮮甜，而且食落好舒服，暖胃又飽肚，最後食晒d粥四個人都飽到捧住個肚。🤗 最尾仲有綠茶凍糕做甜品， 外皮煙韌，內裏係帶甜味嘅綠豆蓉，幾清新。
.
呢一餐草根食得超滿意，食物新鮮好味之餘，因為全部都係冇額外加油去蒸，感覺好健康💪🏻。加上餐廳服務好好，每食完一樣海鮮，老闆或者店員都會過嚟幫你set好每樣海鮮要蒸幾耐👨🏼🍳。而且老闆全晚仲好似穿花蝴蝶咁滿場飛🦋，同d食客有講有笑，可以睇得出大家關係好好。搵機會下次要再嚟食過！👣👣👣
.
小漁港海鮮舫 鮮蒸‧鮮味火鍋 (太子)
太子荔枝角道127-133號地下
.
#草根食在觀塘
Search